Lindol 101 - Ano ang mga HINDI Dapat Gawin Bago, Habang, at Pagkatapos ng Lindol?

    Bago Tumama ang Lindol...

      • HUWAG KALIMUTANG gumawa, talakayin, at sundin ang emergency plan ng inyong pamilya.

      • HUWAG KALIMUTANG magtabi ng listahan ng mga maaaring tawagan sa tuwing may sakuna.

      • HUWAG MAGLAGAY ng mga babasagin, matutulis, at mabibigat na bagay sa itaas ng kabinet.

      • HUWAG MAG-IWAN ng mga nakabitin na bagay (salamin, naka-frame na larawan, halaman, atbp.)
        sa mga pader at mga lugar kung saan madalas daanan sa bahay upang maiwasan ang mga potensyal na disgrasya o pinsala

    Habang Lumilindol

      • HUWAG MAG-PANIC

      • HUWAG NANG MAGHINTAY bago dumating pa ang mga awtoridad upang tulungan kayo at ang mga nasa panganib tuwing may sakuna;
        baka hindi sila makaabot sa oras, kaya napakahalagang maging alerto at mabilis kumilos.

      • HUWAG MAGING PABAYA; mag-isip muna ng isang rasyonal na plano bago kumilos.

      • HUWAG KALIMUTAN na laging takpan at protektahan ang iyong ulo; Drop, Cover, and Hold.

      • HUWAG GAMITIN ang iyong telepono maliban kung ito'y kinakailangan.

      • HUWAG MAGSINDI ng kandila, posporo, o iba pang bukas na apoy; patayin ang lahat ng apoy.

      • HUWAG TUMAKBO papunta sa labas o sa ibang kuwarto; Hintayin muna pagkatapos tumigil ang pagyanig.

      • HUWAG TUMAMBAY malapit sa isang pintuan.

      • HUWAG SUMAKAY AT IWASAN ang paggamit ng mga elevator dahil maaari itong magkaproblema at
        tumigil sa pagtatakbo; sa halip ay lisanin ang gusali gamit ang mga hagdanan na lamang.

Pagkatapos ng Lindol

      • HUWAG MAG-ON kaagad-agad ng mga electrical swtich o home appliances; tingnan muna kung mayroong natapong gas sa iyong lugar.

      • HUWAG HUMAWAK ng mga PVE wires sa iyong paligid; i-check ang mga tubo ng tubig, electrical panels at fittings. Kung sira, patayin ang mga main valves nito.

      • HUWAG AGAD-AGAD pumunta sa loob ng mga gusali; humanda para sa mga posibleng aftershocks.

      • HUWAG PUMASOK sa mga gumuhong istraktura; humiling ng suporta mula sa emergency response team kapag may nangangailangan ng tulong para makalabas sa gusali.

      • HUWAG MAG-AKSAYA ng iyong mga emrgency supplies; tipirin ang inyong tubig, medical supplies, at ang baterya ng iyong phone.